حبيبي و بيحس بيا

في ايدي موبيلي ورغم اني مركزه علي الشاشه اوي- لاني بجد قررت ان انت لازم هتحس بيا وهتكلمني- و انا مستنياك كنت كل شويه بسمع صوت فيروز بتقول"شايف البحر شو كبير كبر البحر بحبك...."و دي الي هي رنتك كنت بسمعها و احس بالفيبريشن في ايدي

بالرغم من ان الموبيل في منتها السكون, قعدت استناك كتير تتصل كتير اوي و عرفت اني خسرت رهاني مع نفسي ...
عشان انت موافتش بوعدك ليا لما قلتلي"انا هفضل احس بيكي حتي لو كنتي فين.."
رميت الموبيل بنرفزه , و قومت ....
سمعت صوت صفيرك الي خلاني اتسمر في مكاني -لا مستحيل- جريت فتحت الشباك بخوف لتكون مش انت لقيتك و اول حاجه قولتهالي"انتي نسيتي وعدي"..