طاقة حزن كبيرة عماله تتخزن في قلبي من زمان ملت قلبي و فاضت
طاقة حزن مكبوت و متخزن بياكل في جدران روحي
طاقة حزن مبتطلعش في هتاف ولا خناق ولا غضب
طاقة حزن ممكن تحررها الدموع ..و انا معنديش دموع
انا مبعيطش ..انا عايزة ..بس مبعرفش ..!
مستنية لحظة انفجار الحزن ويا الدموع ..
يمكن ساعتها احس اني لسه بني ادمة طبيعية لسه روحها شفافة مش مشوهه و كلها خدوش و وعر
يمكن ساعتها احس اني لسه بحس ..!
6 comments:
اصعب حاجه اما تحسى انك مش عارفه تخرجى انفعالك لا بالدموع ولا بالزعيق ومبيبقاش ادامك غير السكوت
شوفى اى جنينة كده مشغله الرشاشات بتاعت الزرع، اجرى اقفى فى النص هتتبلى ميه معلش وبصى للسما وافتحى درعاتك ولفى حوالين نفسك واضحكى :)
فكرة لاسعة بس عن تجربة بتفيد ^^
safa7_karmoozحلوه الفكره دى :))))
وحدانيه
سكوت بس بتكلي فينفسك من جوا :(
safa7_karmooz
الله :) انا عايزة اعمل كده اووي اويي اويييي
وحدانيه
i liike awi
Post a Comment