و كبرنا سنه !

ماشي ..اوكيه 

كل سنه و انتي .. مم ..معرفش عامله ايه ! كل سنه و احنا مش صحاب
انهارده مش بس عيد ميلادك لا
انا كمان بحتفل باخر خروجه لينا باظت
عشان انا احترمت قرارك و انسحبت
و يمكن اخر مكلمه ..مش فكره
بس فكرة اني استنيتك
و كنت متوقعه انك هتنسي 
نسيتي تكلميني
و نسيتي تسألي
و نسيتي عيد ميلادي
عارفه انا كمان نسيت
و ناس اخدت مكانك
اهلي بيسؤلوا عليكي كل فترة
و ماما ساعات كتير بتلومني عشان مش بكلمك
اهلك وحشوني برده
 والبيت و الاوضه
 اخواتك
 النادي و البيت عندي يوم الخميس
الاندومي بالمدزرله
الشوبينج
الصور
الرغي اللانهائي
و الحاجات اللي بتحصلنا في نفس الوقت
و الضحك من غير سبب
التفاصيل
التفاصيل
التفاصيل
يااااه
بس كنت عايزة اقول رغم كل الزعل ده

الا ان دول كانوا 8 سنين مميزين فعلا في حياتياذهبي الي الجحيم يا عزيزتي !

3.7.12