حبيبتك مش عارفه نفسها

 

مش هعرف ارسم حلمنا لوحدي
وانا ايدايا بترتعش عشان مش باخد ادويتي
ولا بفطر كل يوم الصبح ..

ساعدني..
حط ايدك علي ايدي
ونمشي علي نقط المنمنمه فتوضح الصورة
و يتحقق الحلم

مش هعرف اكتب نهاية مؤقته سعيدة لقصه انا مش متاكده اني بطلتها ..
ببساطه ..محتاجاك
محتجاك تطمني..
عشان لما افرح معاك افرح بجد
والخوف يبطل يصادر ابتسامتي..

ليه لما بحكيلك علي نوبات فزعي معاك
مابسمعش غير صدي صوتي ..!