صاحيه عنيا منفخه ووشي احمر وعندي صداع مميت
من كتر العياط في الحلم و وانا نايمه
كنت سنده راسي علي كتفك الشمال بعيط
كنت عمال تتكلم بس انا مكنتش سمعاك
صوت العياط جوايا كان اعلي من اي صوت
فضلت اعيط كتير اوي
واستغربت انك لسه قاعد كل ده
انا كنت بعيط في الاصل عشان مش عايزاك تمشي
كنت خايفه انك تمشي
بحاول افتكر بعد ماحضنتني عشان اهدي
مشيت ولا لا ..طيب هديت ولا لا
بس مش فاكره
عمتا هي مش هتفرق كتير
انت كده كده مشيت في الحقيقه
بيقولو العياط في الحلم فرج
بيقولو برضه العياط في الحمام غلط
معنديش فكره
كل اللي اعرفه ان العياط واحنا نايمين بيجيب صداع
وياريتك بتبسلي الوجع تايهدي وينام-فرح
2 comments:
جميلة جدا على فكرة .. وبصراحة تحفة بس الاهم هو ان العياط فرج فى الحلم .. واكيد هتفرج .. واللى مشى وسابك فى الطريق اشكريه .. عشان هتتعلمى تعرفى تمشى لوحدك بعد كدا ...
.
.
.
ياريت تشيلى الكلمة التاكيدية اللى كل لما حد يعلق لازم يكتب الكود اللى ادامه دا بيخلى الناس تزهق ومش تعلق
ايوه بيقولو العياط في الحلم فرج ربنا يفرجها علينا كلنا
من الغريب اني لسه كنت بحكيله علي حلمي كنت ابكي احدهم مع صديقه لي في الحلم صحيت قلي واجعني لاني لسه كنت حاسه احساس كيف كانت في حضني تشهق مع كل بكيه طمانني انه خير ان شا الله الا اني لازلت تحت تاثير الحلم والساعه الان الظهر الا ساعه
لك قدره علي البوح اتمني ان املكها
تحياتي
كوني بخير
Post a Comment